محاوره بين حسني مبارك وبين محمد مرسي.
✨حسني✨
سلام يا مرسي بعد طال الغياب
و السالفه .. على جميع الأصعده
العام .. حطّيت العذر بالإنتخاب
واليوم .. ما لـ الشيخ عذرٍ ينجده !!
✨مرسي✨
يا مرحبا ما فيه داعي لـ العتاب
يا حاكمٍ .. ضحّى على شان بْلده
المشكله دايم بـ تفكير الشباب
خصاً ليا من جاه دعمٍ يسنده !!
✨حسني✨
دام البقا.. و حسابنا يوم الحساب
وكلامي اللي قلت في السابق .. عِده
الجيش .. ما يرحم عزيزين الجناب
لا ثار شعبه ضد حاكم .. يطرده !!
✨مرسي✨
انته تحسْب ان السلامه بالخطاب
و الأمر كايد .. والرجال مجنّده
لو انّها بـ جنيه .. ما كنّا نهاب
والله لـ يستاهل و يبشر بسعده !!
✨حسني✨
خلّك شجاع .. ولا تورّدها خراب
كبْ السياسه .. و إشكر الله و إحمده
ترى المناصب .. ما لها غير الذهاب
و من ذاقها .. ودّه يورّث لـ ولده !!
✨مرسي✨
ضحّكتني .. وانا احسب ان الضحك غاب
الوضع ضايع .. والأمور معقده
حنّا نقول .. ان الخطا غير الصواب
من يقنع الحزب الكبير .. و مرشده
ليست هناك تعليقات:
إرسال تعليق