أحبتي الغالين على قلبي : هذه للعقول الراقية :
ياليت عند خلييف اربع ملايين
واربع عماير كلهن بالعليا
واربع جموس مخططات بلونين
واربع بنوز مثلهن ماتهيا
واربع بنات كل ابوهن مزايين
ارداهن اللي مثل نجم الثريا
ابي اﻻ منه غدى الليل ليلين
كل وحدتن تقول عندي هنيا
فرد عليه شاعر اخر
العافيه ياخليف تسوى ملايين
وتسوى جميع أملاك حي العليا
وتسوى المزارع كلهن والبساتين
وتسوى المواتر كلها لو تهيا
وتسوى البنات اللي ذكرتو مزايين
واللي تقارن زينها بالثريا
وش فايده ياخليف كثر الملايين
لاصرت مريض والشفاء ماتهيا
قم وطلب المعبود بالعسر واللين
جزل العطايا غافرن كل سيا
لاصرت متعافي وسالم من الدين
كنك أمير ساكنن بالعليا
ليست هناك تعليقات:
إرسال تعليق